Елено ќерко, Елено
Мајката ја прашува Елена на кого пишува писмо. Таа му пишува на брат си во Едрене да ѝ купи капела за Илинден.
Елено ќерко, Елено
Елено ќерко, Елено
ти една на мајка
што стоиш ќерко, што мислиш
што книга пишуваш. [2х]
На кого ќерко, на кого
книга ќе испраќаш
испраќам мајко, испраќам
до градот Едрене. [2х]
Едрене мајко, Едрене
на батко Илија
да купи мајко, да купи
за мене капела. [2х]
Капела мајко, капела
од триста гроша
да носам мајко, да носам
на ден за Илинден. [2х]