Кога си тргнав в туѓина

Печалбарска песна: момчето заминува покрај портите на Дафина, а таа се откажала од прва љубов.

Кога си тргнав в туѓина,
Дафино либе, Дафино.
Крај твоите порти поминав-
Мој галабе-и солзи проронав.

Откажуваш либе, откажуваш,
Од прва верна си љубов,
Думите да си ги приспомниш-
Мој галабе-назад да се вратиш.

Вашиот чаир да пламни,
И ваш'та куќа да изгори,
И твојто ангелско лице-
Мој галабе-во мои раце да падне.